Stoltenberg flet për revoltën e Rusisë, fajëson Putinin për “gabimet”
Sekretari i Përgjithshëm i NATO-s, Jens Stoltenberg, i cili ka qëndruar në kryeqytetin e Lituanisë, Vilnius, deklaroi se aleanca po vëzhgon nga afër situatën në Rusi, duke theksuar gabimet e bëra nga presidenti rus, Vladimir Putin.
Stoltenberg ka thënë se “ngjarjet e fundjavës janë një çështje e brendshme ruse”, por shtoi se ato ishin gjithashtu “një tjetër demonstrim i gabimit të madh strategjik që presidenti, Vladimir Putin bëri me aneksimin e tij të paligjshëm të Krimesë dhe luftën kundër Ukrainës”.
Shefi i NATO-s ka theksuar gjithashtu se blloku po “monitoronte situatën në Bjellorusi” dhe dënoi “shpalljen e Rusisë për vendosjen e armëve bërthamore”.
Megjithëse ushtria e Bjellorusisë nuk dihet se a ka marrë pjesë në luftën e Rusisë kundër Ukrainës, vendi i lejon Rusisë trupat që kanë luftuar në Ukrainë dhe kanë bërë një marrëveshje këtë vit për vendosjen e armëve taktike bërthamore ruse.
