Stacioni Policor në Bujanoc, vendos mbishkrimin vetëm në gjuhën serbe, reagon Kryetari i Këshillit Kombëtar të Shqiptarëve të Luginës
Nevzad Lutfiu, kryetar iKëshillit Kombëtar të Shqiptarëve të Luginës, ka reaguar në rrjete sociale përkitazi me vendosjen e mbishkrimit vetëm në gjuhën serbe, pa respektuar dygjuhësinë, në Stacionin e Policisë në Bujanoc.
Ai thotë se i ka dërguar shkresë zyrtare MUP-it, dhe stacionit Policor në Bujanoc, ,e kërkesë të respektimit ligjor të dygjuhësisë.
“Tabela zyrtare e stacionit policor në Bujanoc është e shënuar vetëm në gjuhën serbe, duke mos respektuar dygjuhësinë. Për këtë i dërgova shkresë zyrtarëve të Ministrisë së Punëve të Brendshme, respektivisht stacionit policor në Bujanoc, ku kërkova që të vendoset edhe mbishkrimi në gjuhën shqipe dhe të respektohet dygjuhësia, ashtu siç e parasheh ligji”, ka shkruar ai.
