Spektakel me 4 gola por pa fitues mes Liverpool dhe Manchester United
Liverpooli ka luajtur baras me rezultat 2-2 në shtëpi ndaj Manchester United në kuadër të javës së 20-të në elitën e futbollit anglez.
Rasti i parë për gol i takoi Liverpoolit të cilët rrezikuan në minutën e 14-të me Cody Gakpo i cili nuk ia doli ta shndërrojë në gol pasimin e Ryan Gravenberch.
Të besuarit e Arne Slot dolën sërish në rast për gol kur Alexis Mac Allister në minutën e 16-të e testoi Andre Onanan, por ky i fundit nuk lejoi që të mposhtej
Në minutën e 29-të Unitedi ishte shumë me fat kur gjuajtja e fuqishme e Gravenberch përfundoi jashtë portës.
Battling in the early stages 💪#MUFC || #LIVMUN pic.twitter.com/XEJUX8980Z
— Manchester United (@ManUtd) January 5, 2025
Mundësinë e vetme për gol United e pati në minutën e 42-të përmes Rasmus Hojlund i cili shpërdoroi një pasim të bukur të Bruno Fernandes.
Në pjesën e dytë të parët që kaluan në avantazh ishin mysafirët, të cilët realizuan për 1-0 në minutën e 52-të përmes Lisandro Martinez.
Reagimi i Liverpoolit erdhi vetëm disa minuta më vonë duke barazuar rezultatin në 1-1 përmes Cody Gakpos në minutëne 59-të.
‘Të Kuqtë’ eventualisht përmbysën rezultatin falë një penallite të shënuar nga Mohamed Salah në minutën e 70-të për 2-1.
— Liverpool FC (@LFC) January 5, 2025
‘Djajtë e Kuq’ nuk u dorëzuan deri në fund dhe ia dolën të shënojnë sërish, këtë herë përmes Amad Diallos i cili realizoi për 2-2 në minutën e 80-të.
Liverpool pati mundësinë ta fitonte ndeshjen në minutën e 90-të, por gjuajtjen e Conor Bradleyt e ndali me shumë mund Onana.
