Sot dita e Gruas! – Ja pse unë s’kam arsye të festoj!
Kësaj gjinie që përfaqëson vazhdimësinë e jetës, që ka kaq shumë forcë dhe kaq pak të drejta!
Shkruan: Silvana Begaj
- E si mund të festojmë ne këtë ditë?
- Si dita që ndoshta sot nuk do kemi vrasjen e një gruaje diku në mes të Tiranës apo në rrethina?
- Apo do festojmë si të vetmen ditë kur shumë femra lejohen nga burrat e tyre për të dalë?
- Të festojmë që në kaq vite demokraci luftuam për kaq shum gjëra, por për lirinë e grave as u përpoqëm?
- Të festojmë që akoma në rrethina vajza minorene martohen me dakordësi familjesh si e do zakoni?
- Apo për ato që torturohen sepse kanë bërë gabimin e madh dhe kanë rënë në dashuri?
- Të festojmë se ka akoma skllavëri ku pranohet si e drejtë edhe nga familja e vajzave dhe me vajza?
- Të festojmë sepse kemi gra sot në pushtet dhe që trajtohen si dordoleca nga liderat e tyre?
-Por, këto zakonisht ndodhin në rrethina ose nga familje të cilat nuk janë te arsimuara dhe të zhvilluara. Ndoshta duhet të festoj Tirana ose qytetet e mëdha ku ka gra që kanë fituar një farë lirie. Liri që përdoret keq!
-Se në qytetet e mëdha lufta me burrat është e papërfillshme në krahasim me luftën e ashpër dhe të shëmtuar që kanë gratë me njëra-tjetrën.
-Këto gra zakonisht e përdorin lirinë dhe zërin e tyre për të intimiduar gra të tjera.
-Ofendojnë dhe gjykojnë këdo “live” apo virtualisht! Hedhin helm kudo ku kanë mundësi të shprehen dhe nuk bëjnë asgjë për plagën e shekullit: “Lirinë e grave!”
-Prandaj unë personalisht nuk kam për cfarë të festoj! -Edhe pse sot është dita e gruas! Kësaj gjinie që përfaqëson vazhdimësinë e jetës, që ka kaq shumë forcë dhe kaq pak të drejta!
All reactions:
9696
