Sondazhi nga UEFA: Garë e ngushtë se kush do të fitojë mes Izraelit dhe Kosovës

Përfaqësuesja e Kosovës do të nisë rrugëtimin e saj në kualifikimet për Euro 2024 me takimin kundër Izraelit.

Ndeshja që fillon në ora 18:00, do të luhet në stadiumin Bloomfield në Tel Aviv. UEFA ka krijuar tashmë një sondazh për këtë takim, duke u ofruar mundësinë që tifozët të parashikojnë se kush do dalë fitues nga ky takim apo do të jetë barazim.

Në kohën e shkrimit, Kosova është duke triumfuar me 49 për qind të votave, për dallim nga Izraeli që ka 44 për qind, një garë vërtetë e ngushtë në vota.

Shtatë për qind e tifozëve mendojnë se ky takim do të përfundojë me barazim, gjithmonë nga koha kur është bërë ky shkrim.