Shoqata e Enigmatëve “Ndre Mjeda” – Gjilan & “Horizonti”, shënon 43 vjetorin!
Sot më datë 21.10.2023 u mbajtën garat e hapura në përpilimin e fjalëkryqit të cilat u organizuan nga Shoqata e Enigmatëve “Ndre Mjeda” në Gjilan, ku pjesëmarrja e enigmatëve të moshave të ndryshme ishte e kënaqshme.
Në këto gara u zgjodhën tre enigmatët më të mirë, të cilët edhe u shpërblyen nga juria e përzgjedhur. Interesim për këto gara treguan edhe enigmatë të njohur nga: Kamenica, Mitrovica, Gjakova si dhe elita e njohur e enigmatëve nga Tetova.
Pasi u prezantuan fituesit e tre vendeve të para, në kuadër të aktiviteteve tjera të parapara për sot, pjesëmarrësit patën mundësinë të diskutojnë për të gjitha llojet e enigmave. Bashkë në një atmosferë të mirë, ndamë idetë e përvojat tona në këtë fushë.
Shfrytëzoj rastin t’i përshëndes të gjithë pjesëmarrësit nga Kamenica, nga Mitrovica z.Kemajl Krasniqin, nga Gjakova të nderuarin Skender Tullumbi si dhe nga Tetova enigmatin shumë të njohur në trojet tona, z.Mensur Mahmuti bashkë me shokët e tij.
Për fund, falënderim i veçantë i shkon Kuvendit Komunal të Gjilanit si dhe Drejtorisë për Kulturë, Rini dhe Sport dhe Bibliotekës së qytetit “Fan S. Noli” në Gjilan.
