Shkruan: Prof. Adelina Bruçaj-Asani, Bujanoc – Shkolla jonë mbushet me atmosferë festive me rastin e Ditës së Shkollës
Ditë e veçantë e shkollës sonë: më 9 maj 2025, shkolla e mesme “Sezai Surroi” u mbush me atmosferë festive, gjallëri dhe emocione, me rastin e Ditës së Shkollës.
Ishte një ditë e veçantë ku u shfaqë puna, talenti dhe përkushtimi i nxënësve si dhe stafit pedagogjik për të sjellur një program të pasur dhe kuptimplotë.
Shkruan: Prof. Adelina Bruçaj-Asani
Programin e filloi Atika Ramadani si prezantuese, e cila me siguri e qetësi e udhëhoqi programin gjatë gjithë kohës ku ftoi Korin e shkollës të cilët kënduan himnin e shkollës.
Programin e filloi Atika Ramadani si prezantuese, e cila me siguri e qetësi e udhëhoqi programin gjatë gjithë kohës ku ftoi Korin e shkollës të cilët kënduan himnin e shkollës.
Zërat e tyre sollën atmosferë solemne dhe e bënë këtë ditë edhe më të veçantë me këngën e himnit të shkollës. Më pas ftoi drejtorin i shkollës Admir Nazifi për të përshëndetur të pranishmit me një fjalë rasti. Ai përgëzoi punën e mësimdhënësve, nxënësve dhe stafit mbështetës, duke theksuar rëndësinë e bashkëpunimit për arritjen e rezultateve cilësore. Po ashtu, Admir Nazifi shprehu mirënjohjen për të gjithë veteranët e arsimit që kanë dhënë kontribut ndër vite për shkollën tonë, si dhe drejtorët e mëparshëm që kanë qenë pjesë e historikut dhe zhvillimit të institucionit. Fjalët e tij ishin të ngrohta dhe plot respekt, duke lënë mbresa tek të gjithë të pranishmit.
Pas fjalës përshëndetëse të drejtorit, nxënësi Shaip Ramadani lexoi historikun e shkollës, duke na kujtuar rrugëtimin e saj dhe përparimin ndër vite.
Nën kujdesin dhe udhëzimin e profesorit të edukates muzikore Musa Gjumshiti, nxënësit interpretuan pjesë muzikore dhe këngë të përzgjedhura me shumë dashuri, duke sjellë një atmosferë të ngrohtë e festive.
Programi vazhdoi me pjesë të ndryshme artistike:
Olis Salihu interpretoi poezinë “Anës lumenjve”
Medina Haliti këndoi këngën “Perëndeshë e bukurisë”
Erijon Sejdiu recitoi poezinë “Cigarja”
Viola Memeti përformoi në piano me një pjesë të bukur muzikore
Suela Ibrahimi solli emocione me poezinë “Gjuha shqype”
Në fund, Erijon Sejdiu dhe Medina Haliti e përmbyllën programin me këngën “E duam lumturinë”, duke lënë një përshtypje shumë të bukur tek të gjithë të pranishmit.
Profesorët e gjuhës shqipe ishin mbështetës të fuqishëm në përgatitjen e poezive dhe leximeve artistike, duke ndihmuar nxënësit të shprehin talentin me pasion dhe përkushtim.
Po ashtu, një falënderim te veçantë meritojnë psikologet e shkollës,të cilat ishin pranë nxënësve për t’i mbështetur emocionalisht dhe për t’i inkurajuar gjatë gjithë përgatitjeve!
Falënderojmë të gjithë nxënësit për përkushtimin dhe paraqitjen dinjitoze, si dhe mësimdhënësit për angazhimin e tyre të palodhur në realizimin e këtij aktiviteti të paharrueshëm!
Ne jemi krenarë për shkollën tonë, për nxënësit tanë plot talent dhe për vlerat që kultivojmë çdo ditë me përkushtim dhe dashuri për dijen.
Urime dita e shkollës!
Përgatiti: Prof. Adelina Bruçaj-Asani
