Shkruan: Mr. Refik Hasani – 12 vjet nga largimi i dhunshëm i Lapidarit të UÇPMB-ës në Preshevë
Sot, para 12 viteve, është largur në mënyr të dhunshme Lapidari i UÇPMB-së kushtuar dëshmorëve të kombit të rënë në luftën e UÇPMB-së, e vendosur para objektit të Komunës në Preshevë.
Lapidari tani as pas 12 vite nuk është kthyer në vend, por është në mendjet e të gjithë Ushtarëve të Ushtrisë Çlirimtare për Preshevë, Medvegjë e Bujanoc dhe gjithë popullit të kësaj krahine të mbetur padrejtëisht nën administrimin e Serbisë.
Shkruan: Mr. Refik Hasani, opinionist
Largimi me dhunë i pllakës përkujtimore kushtuar dëshmorëve të kombit të rënë në luftën e UÇPMB-ës, kurse tani po kalojnë mbi tri dekada nga mbajtja dhe organzimi i mbajtjes së Referendumit më 1 e 2 mars të vitit 1992.
Shqiptarët në Republikën e Serbisë, vazhdojnë të përballen duke u diskriminuar, pasi mungon rregullimi me ligj për përdorimin e simbolit tonë kombëtar shqiptarë, Flamurit. Ende mbetet për t’u dëshiruar rritja e të punësuarve në administratën Komunale të tri Komunave, veçmas mungon përfaqësimi si në Gjykata, Prokurori, Shëndetësi, Administratë Tatimore. Policia Multietnike ende në numër të vogël në krahasim me numrin e popullatës dhe mungon përfaqësimi në zingjirin komandues të policisë në këtë krahinë shqiptare.
Kjo krahina shqiptare vazhdon të mbetet rajoni më i pazhvilluar në gjithë Evropën, është krahina më e diskriminuar në gjithë Evropën, pasi kemi pasivizim e diskriminim, një pastrim etnik dhe shkelje e të drejtave dhe lirive të njeriut si dhe të drejtave kolektive.
Autori i vështrimit është Refik Hasani
20 janar 2025
