Rasti tragjik nga vërshimet në Pejë, reagon Kryeministri Kurti, i shprehë ngushëllime familjes Ademaj
Përmes rrejteve sociale, gjegjëissht faqes së tij, Kryeministri Kurti është solidarizuar me familjen e viktimave pas humjes tragjike të cilat ndodhën mbrëmë, e ku humbën jetën nëna dhë vogëlushi pesë vjeçarë.
Ky është reagimi i plotë i Kryemistrit Kurti, pas rastit tragjik që ndodhi mbrëmë në Pejë, ku humbën jetën dy anëtarë të familjes Ademaj si pasojë e vërshimeve.
Me pikëllim të thellë mora lajmin për humbjen tragjike të jetëve të dy qytetarëve tanë, Dion Ademaj dhe Mirsada Ademaj, nga vërshimet e mbrëmshme në Pejë.
Kjo humbje e madhe për familjet Ademaj dhe Hoxhiq është humbje e madhe për vendin tonë. Në këto ditë të rënda, dhembjen e ndajmë bashkë me familjarët dhe miqtë e tyre. Në emër të Qeverisë së Republikës së Kosovës dhe në emrin tim personal, ju shpreh ngushëllimet më të sinqerta.
Të lënduarve u uroj shërim sa më të shpejtë.
Qeveria e Republikës së Kosovës është e angazhuar me kapacitetet e saj me Forcën e Sigurisë së Kosovës dhe Agjencinë për Menaxhimin e Emergjencave që të ndihmojë në përballimin dhe tejkalimin e pasojave të vërshimeve. Ministri i Mbrojtjes, Armend Mehaj, Ministri i Punëve të Brendshme, Xhelal Sveçla dhe Ministri i Administrimit të Pushtetit Lokal, Elbert Krasniqi, janë në komunikim me Komunën e Pejës për të koordinuar veprimet në ofrim të mbështetjes së nevojshme.
