Ragon LDK pas debatit në RTK me deklaratën e z. Hyseni përkitazi me Stadiumin e Qytetit
Në debatin e sotëm për qeverisjen e ardhshme katër vjecare në Gjilan, janë mbarështruar dhe diskutuar një mori temash, ndërsa cështja e stadiumit të qyetit ka zgjuar interesim të theksuare, duke u përcjellur me akuza e kundër akuza nga pjesemarresit.
Pasi z. Hyseni ka akuzuar LDK-në për prolongimet, duke aluduar në operatorët dhe ankesat që e kanë zvarritur mbarëvajtjen e procesist te stadiumit në OSHP – (Organi Shqyrtues i Prokurimit), ka reaguar kundërkandidati Arbër Ismajli (LDK) në studio, ndërsa faqja zyrtare e LDK-së ka publikuar një dokument, që pasqyron, sipas tyre, arsyetishmerine e vendimit të OSHP-së, duke e vlerësuar pjesërisht të bazuar ankesën e njërit nga operatoret ankues.
POSTIMI I PLOTË NGA LDK
Reagim ndaj tentimit për manipulim të kryetarit në ikje, Alban Hyseni, për stadiumin e qytetit
Sonte, kryetari në ikje i Gjilanit, Alban Hyseni, sërish tentoi ta mashtrojë opinionin publik duke pretenduar se gjoja LDK e ka bllokuar projektin e stadiumit të qytetit. Ky është një manipulim i pastër dhe i qëllimshëm për të fshehur paaftësinë dhe dështimet e tij. E vërteta është krejt ndryshe sepse procedura për “Renovimin e Stadiumit të Qytetit të Gjilanit” është anuluar nga Organi Shqyrtues i Prokurimit Publik (OSHP), sepse vetë Komuna e Gjilanit ka bërë shkelje ligjore dhe procedurale gjatë zhvillimit të tenderit.
Pra, nuk është LDK ajo që e ka bllokuar stadiumin, por është paaftësia e administratës së Alban Hysenit që ka sjellë këtë situatë. Në vend që të pranojë përgjegjësinë për gabimet e veta, ai po tenton ta mashtrojë publikun me deklarata manipuluese dhe me fjalë që nuk i mbulon asnjë fakt.
LDK dhe ekipi ynë janë për zhvillimin e qytetit, për investime të ndershme dhe transparente në sportin gjilanas, dhe asnjëherë për propagandë politike. Stadiumi do të bëhet, por vetëm atëherë kur në Gjilan të ketë qeverisje të përgjegjshme, profesionale dhe që punon për qytetarët pas 12 tetorit.
Bashkangjitur gjeni vendimin e OSHP-së 2024/0521, vendim i cili e demanton rëndë tentimet për manipulimin e sontëm të kryetarit në ikje.
