Provimet e Regjisë së Filmit në Fakultetin e Arteve – Universiteti i Prishtinës
Me datë 20 shtator, në Fakultetin e Arteve, Universiteti i Prishtinës, u mbajtën provimet e studentëve të vitit të parë klasa e prof. Jeton S. Ahmetaj, Ass. More Raça dhe të tretë klasa e prof. Ekrem A. Xani, Ass. Durim Kryeziu në profilet Regji filmi, kamerë-montazh, produksion dhe skenografi.
Komisioni, i përbërë nga profesorë të profileve të ndryshme si regji filmi, kamerë-montazh, produksion dhe skenografi, vlerësoi lart krijimtarinë dhe cilësinë teknike të filmave të paraqitur.
Këta studentë dëshmuan potencial të lartë artistik dhe teknik, duke treguar se një gjeneratë e re premtuese e kineastëve është në ardhje.
Në përputhje me rregulloren e punës, projektet filmike edhe këtë vit janë rezultat i bashkëpunimit ndërmjet katër profileve kryesore. Kjo formë bashkëpunimi po dëshmohet një mundësi e jashtëzakonshme për studentët, të cilët u vlerësuan për punën e tyre në projekte respektive.
