Presidenti i KOK-ut, uron gazetarët e sportit në Ditën Ndërkombëtare të Gazetarëve sportivë
2 Korriku shënon ditën më të rëndësishme të gazetarëve sportivë, të cilët ishin dhe janë infuzioni më i mirë i sportit tonë, në periudha të ndryshme.
Me këtër rast presidenti i KOK-ut, Ismet Krasniqi i ka uruar gazetarët sportiv, Shoqatën e Gazetarëve Sportiv të Kosovës, si dhe ish gazetarët sportiv, etj.
“Në Ditën Ndërkombëtare të Gazetarëve Sportiv, urojmë Shoqatën e Gazetarëve Sportivë të Kosovës, gjithë gazetarët sportivë, ish-gazetarët që tashmë janë në pension, dhe të cilët me të drejtë njihen si doajen të gazetarisë sportive”, thuhet në urimin e tij.
“Komiteti Olimpik i Kosovës nga ky vit ka nisur të nderojë kontribuesit shumëvjeçarë të gazetarisë sportive, e që kjo do të vazhdojë nga viti në vit. Në këtë ditë të veçantë, kujtojmë edhe ata që u ndanë nga jeta, e që kontributi i tyre për sportin dhe lëvizjen olimpike në Kosovë do të shkruhen me shkronja të arta”, ka shkruar më tej Krasniqi në faqen e KOK-ut.
“Si president i KOK-ut, shprehu vullnetin dhe gatishmërinë për të bashkëpunuar ngushtë me komunitetin e gazetarëve, me të cilët do të rrugëtojmë bashkërisht drejt zhvillimit dhe avancimit të sportit tonë, e mbi të gjitha drejt suksese të reja, me theks të veçantë Lojërave Olimpike Paris 2024”, ka përfunduar urimine tij Ismet Krasniqi, President i KOK-utm, shkruan faqja zyrtare e ektij institucioni.
