Portret – Merita Sahiti, artistja e veçantë në folklor e muzikë popullore
Artistja Merita Sahiti arriti shkallët e artit muzikor me përmasa kombëtare. Ajo shkëlqeu në çdo festival ku mori pjesë, veçmas gjatë viteve 2019 e 2020, kur fitoi më shumë se 20 çmime të para në festivale të ndryshme, mbrenda dhe jashtë vendi.
U lind në fshatin Budrikë e Epërme të Komunës së Vitisë me 28 shtator të vitit 1987. Ishte fëmiu i parë nga prindërit Enveri e Remzija, të cilët kanë edhe dy fëmijë tjerë, Hekuranin dhe Ardianin.
Merita fëmijërinë e saj e kaloi nën tingujt e muzikës së folklorit burimor të cilën ia kultivonin gjyshja e saj me ninulla, ndërsa babai dhe dy axhallarët kishin bërë aktivitet të vazhdueshëm për ruajtjes së kulturës e trashëgimisë kulturore në tërësi, sidomos të këngëve burimore, ku veprimtaria e tyre muzikore ishte zhvilluar në SHKA “ 4 dëshmorët” të Budrikës, gjatë viteve të ’80 –ta.
Pas vitit 1987, pasi Merita erdhi në jetë, qiftelia dhe fyelli ishin pjesë e pa ndashme e fëmijërisë së saj, me të cilat instrumente edhe në këtë familje ruehj tradita e mirëfilltë e muzikës burimore shqipe.
Kjo traditë familjare u trashëgua edhe te vajza e re me sy të ngulitur në ardhmërinë, e cila filloi që nga ninullat e arriti që sot të pretendoj të bëhet një këngëtare e sukseshme duke u rritur me muzikën.
Nga pamundësia që të qaset më heret me instancat kulturore për shkak që jeta u zhvillonte në fshat, pas luftës u krijuan kushtet nga realiteti i ri i krijuar në Kosovë ku Merita së bashku me familjen e saj ia mësyejnë qytetit të Gjilanit, në të cilin nga viti 2000 e këtej, jetojnë e veprojnë.
Asaj iu krijuan mundësitë që nga mosha 13 vjeçare të paraqitet edhe para publikut. Për herë të parë me rastin e ditës së shkollës në Shkollës Fillore“Thimi Mitko” në Gjilan, ku Merita debutoi me këngën e Remzije Osmanit, “Moj Kosovë mirë se t’gjeta”. Nga ai moment te Merita u vërejt talent i jashtëzakonshëm për këngët burimore andaj edhe vazhdoi të merrë pjesë nëpër koncerte e festivale të ndryshme.
Që nga ajo moshë Merita filloi të merrte pjesë në manifestime kulturore per nderë të festës së “28 Nentorit“, manifestimeve për përvjetorë të dëshmorëve të Kombit, 7 e 8 marsi , për festen e Bajramit, ditëve të shkollave e manifestime tjera kulturore që organizoheshin sokohe.
Repertori i saj i preferuar ishte kënga burimore, puopullore e folklorike, veçmas ato të Shkurte Fejzës, Shyhrete Behlulit, Remzije Osmanit, Violetë Kukajt etj, këngë të cilat i këndonte me dëshirën më të madhe, ndërsa përcillej me çifteli nga vëllau Hekuran Sahiti, për të krijuar një afinitet të jashtëzakonshëm për moshën që e atëbotë e kishin.
Merita Sahiti si këngëtare e talentuar e ambicioze, mëton që së shpejti zëri i saj të dëgjohet gjithanjdej, Kosovës e diasporë, si dhe në trojet ku jetojnë shqiptarë.
Ajo tashmë ka bërë përgatitjen e shumë këngëve, me theks të veçantë në zhanrin e muzikës popullore, në bashkëpunim me studio të ndryshme, por edhe këngë të realizuara nga Edmond Zhulali në Tiranë, Burim Krasniqi, Prishtinë, Naim Krasniqi “Polifest 2007”, Prishtinë, si dhe një tufë këngësh nga kompozitori Skënder Doshlani-Tropojë.
Të gjitha këto me përkrahjën dhe ndihmën e babit të saj, i cili i ka sponzoruar dhe do t’i konkretizojë së shpejtë në një album. Nuk duhet anashkaluar kontributin dhe përkrahjen e madhe që e ka nga AKV ”Kemajl Azizi” sidomos nga kryetari i ansamblit Arianit Hetemi i cili në çdo rast që i jepet, mundohet që në rend të parë të prezantoj vlerat që i posedon Merita.
Merita Sahiti vazhdon punën e saj rreth këngëve me një përkushtim të veçant si dhe përkushtim të madh përveç djemëve që i ka, Enesin dhe Harisin, rëndësi të veçant i kushton shkollimit në Universitetin AAB , Fakultetit të muzikës – Solokëndim.
Gjatë vitit 2012 Merita mori pjesë në Festivalin Mbarëkombëtarë “Flaka e Janarit 2012”, ku u vleresua me “Çmimin e dytë”, bashkë me Hysni Klinaku.
