Policia paralajmëron: Mbahet forumi për gratë, paqen dhe sigurinë, mund të ketë bllokime në segmente të ndryshme rrugore
Nga 14 deri më 17 prill 29044, në organizim nga zyra e presidentes, mbahet eicioni i dytë i forumit për gratë, paqen e sigurinë.
Shih për këtë mund të ketë bllokime të ndryshme orientuese e të përkohshme në disa segmente rrugore, njofton Policia e Kosovës përmes faqes së saj në rrjete sociale.
“Zhvillohet Edicioni i dytë i Forumit për Gratë, Paqen dhe Sigurinë në Republikën e Kosovës, mund të ketë bllokime të përkohshme apo riorientim në disa segmente rrugore nga Policia”, shkruan faqja e Polcisë.
Nga data 14 – 17 prill 2024, në Republikën e Kosovës, në kuadër të konferencës “Gratë Paqja dhe Siguria’ të organizuar nga Presidenca e Republikës së Kosovës do qëndrojnë personalitete të ndryshme të rëndësishme nga rajoni dhe bota.
Policia e Kosovës, gjatë kësaj kohe do të kujdeset për ofrimin e sigurisë, mirëmbajtjen e rendit e qetësisë publike dhe menaxhimin e trafikut gjatë kohës së lëvizjes së personaliteteve si dhe qëndrimit të tyre në Republikën e Kosovës.
Për të mundësuar qarkullim të lirë të delegacioneve sipas itinerarit të lëvizjes si dhe zhvillimin e aktiviteteve, Policia e Kosovës do të bëjë ndërprerje të përkohshme të qarkullimit të trafikut (në intervale të shkurta kohore) të disa segmenteve rrugore (ku pritet të kalojnë personalitetet/delegacionet e ftuara), ku do të ketë riorientime të trafikut në rrugë alternative, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.
