Llapi hap fals në luftën për titull, ndalet nga Dukagjini në Klinë
Dukagjini dhe Llapi kanë barazuar me rezultat 1-1 në kuadër të javës së 29-të të Superligës së Kosovës.
Llapjanët që janë në luftë për titull e nisnë më mirë ndeshjen, duke rrezikuar disa herë, por goli erdhi në kohën shtesë.
Ishte Leotrim Bekteshi që ishte më i larti në një harkim dhe me kokë tundi rrjetën për 1-0.
Por në mesin e pjesës së dytë, Dukagjini shënoi golin e barazimit ndaj Llapit.
Golin për 1-1 e shënoi mbrojtësi Ardin Dallku, në minutën e 66-të, njëjtë edhe ky me kokë.
Deri në fund nuk kishte më gola të tjerë dhe skuadrat u desh të pajtohem me nga një pikë.
Llapi mbetet i treti me 55 pikë, tani katër më pak se Ballkani dhe dy më pak se Drita.
