Policia italiane dhe shqiptare godasin grupin që përfitoi 5 milionë euro nga mashtrimet me “Call Center”
Italia dhe Shqipëria e kanë realizuar një operacion të përbashkët kundër mashtrimit me “Call Center”.
Sipas gazetës italiane “Ansa”, Prokuroria e Pordenones ka urdhëruar realizimin e 14 kontrolleve në Shqipëri. Raportohet se është goditur një grup i cili ka arritur që t’i përfitonte 5 milionë euro. Ata me teknika të sofistikuara të mashtrimit kanë arritur që t’i mashtrojnë qindra qytetarë italianë.
Bëhet e ditur se grupi kriminal paratë i pastronte në vendet si: Holanda, Qipro, Lituania, Estonia dhe Gjermania, e më pas i kovertonin në kriptovaluta. Sipas Ansas, Prokuroria ka realizuar 42 mijë përgjime.
