Policia Gjilan/Kamenicë: Arrestohet personi i kërkuar me urdhëresë gjyqësore
Gjilan, 20 tetor 2023 – Drejtoria Rajonale e Policisë Gjilan, Stacioni Policor në Kamenicë me datën 19 tetor 2023, në kuadër të planit operativ për realizim të urdhëresave gjyqësore, ka arrestuar personin A. M. (viti i lindjes 1962, mashkull kosovar shqiptar).
Ai ishte i kërkuar në bazë të urdhëresës së lëshuar nga Gjykata Themelore me dënim burgimi prej dy (2) viteve për veprën penale “Rrezikimi i trafikut public”.
Pas përfundimit të procedurave i njëjti është dërguar në vuajtje të dënimit.
Drejtoria Rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave.
