Poeti Avdush Canaj kremton sot feston 70-vjetorin e lindjes
Poeti Avdush Canaj, njëri nga penat më të dashura për të vegjëlit, ka mbushur sot 70-vjet. Ai është një libër me faqe të arta.
Canaj është uruar nga vajza e tij Klodiana, me fjalë të zgjedhura.
“Gëzuar 70-vjetorin, babi. Vitet kanë kaluar si një libër me faqe të arta, ku çdo fjalë e jote ka lënë gjurmë në fëmijërinë tonë. Na mësove të ëndërrojmë, të qeshim dhe të besojmë në magjinë e fjalës. Mes vargjeve tuaja gjetëm ngrohtësi, dhe në heshtjen tënde – forcë.
Je një baba, një poet dhe një njeri i rrallë. Paç edhe shumë vite të bukura mes nesh, me shëndet, me dashuri dhe me atë humorin tënd që s’e ka lëkundur as koha, as jeta”, ka shkruar Klodiana Canaj Morina.
Përndryshe, Avdush Canaj është poet, prozator dhe gazetar i njohur nga Gjilani, i lindur më 12 qershor 1955, në Koretin.
NË FAQEN E QIELLIT
Me ëndrrat e fëmijëve
Hëna pikturoi yjet
Në faqen e qiellit
Një zog zgjati dorën
Pikturën e buzëqeshur
Ta varë në dhomë
-‐———–
Çikallesh, 17 maj 2025
