Pensionohet profesori i shkollës së mesme ekonomike – Fatmir Shkodra, vlrësohet lart kontributi në edukimin e brezave

Është pensionuar profesori i ekonomisë – Kontabilitet, Statistikë, Marketing, Menaxhim projektesh – z. Fatmir Shkodra, shkruan TV Gjilani.

Në ceremoninë tradicionale në ambientet e shkollës, është organizuar një koktel përshëndetës me kolegë, ndërsa është vlerësuar lart kontributi i z. Shkodra nga vet kolegët si dhe Drejtoria Komunale e Arsimit – drejtori Shpend Nuhiu.

E një dedikim urimi për daljen në pension gjegjësisht ditëlinnjen e 65-të të tij, ka postuar faqja zyrtare e shkollës “Marin Barleti” në Gjilan, në të cilën vatër të arsimit, z. Fatmir Shkodra ka punuar 16 vitet e fundit.

“Profesor Fatmir shkodra: Me rastin e ditëlindjes dhe daljes në pension, të urojmë nga zemra shëndet, lumturi dhe ditë të mbushura me gëzime pranë më të dashurve tuaj.”, thuhet në njoftimin e shkollës.

Më tej vëhet në spikamë edhe kontributi i tij në këtë shkollë, si dhe përkushtimi që ka dëshmuar z. Fatmri Shkodra.

“Gjithashtu, shprehim mirënjohjen më të thellë për kontributin dhe përkushtimin tuaj si mësimdhënës në Shkollën e Mesme Ekonomike “Marin Barleti” në Gjilan. – Me respekt dhe mirënjohje”, përfundon publikimi / njoftimi, TV Gjilani/