Parashikimi i motit për javën: reshje, vranësira dhe ulje temperaturash
Java e ardhshme do të karakterizohet nga mot i ndryshueshëm, me alternime të intervaleve me diell, vranësirave të dendura dhe reshjeve të shiut. Temperaturat pritet të jenë kryesisht të ulëta gjatë gjithë javës, ndërsa erërat do të fryjnë me intensitet të dobët deri mesatar.
E hënë – Moti do të jetë kryesisht i vranët, por me herë pas here intervale me diell. Temperaturat parashihen të lëvizin nga 0 deri në 3°C në mëngjes dhe të arrijnë 5–9°C gjatë ditës. Era do të fryjë nga jugperëndimi me shpejtësi 1–4 m/s.
E martë – Vazhdojnë vranësirat dominuese. Temperaturat minimale do të jenë 0–2°C, ndërsa ato maksimale 8–11°C. Erërat mbeten nga jugperëndimi me shpejtësi 1–5 m/s.
E mërkurë – Moti parashihet kryesisht i vranët, me mundësi për riga lokale të shiut. Temperaturat do të variojnë nga 3–5°C në mëngjes dhe 10–13°C në mesditë. Era mbetet nga jugperëndimi me intensitet 1–5 m/s.
E enjte – Vranësira të dendura dhe reshje më të theksuara shiu pritet të shënojnë ditën. Temperaturat minimale luhaten nga 1 deri në 3°C, ndërsa ato maksimale vetëm 4–6°C. Era do të vijë nga veriperëndimi me 1–4 m/s.
E premte – Java përmbyllet me mot kryesisht me diell dhe vranësira të shpërndara. Vende-vende mund të ketë riga të dobëta shiu. Temperaturat minimale zbresin në -1 deri 2°C, ndërsa ato maksimale mbeten 4–6°C. Era e lehtë deri mesatare do të fryjë nga veriperëndimi.
