Paralajmërimi i frikshëm/ Këshilltari i Sunak: Pas dy vitesh inteligjenca artificiale do të jetë në gjendje të vrasë shumë njerëz
Një paralajmërim i ri ka dal në dritë për inteligjencën artificiale. Paralajmërimi se sistemet do të jenë mjaft të fuqishëm për të “vrarë shumë njerëz” në vetëm dy vjet erdhi nga këshilltari special i Rishi Sunak, Matt Clifford.
Duke folur për TalkTV, një kanal britanik online, Clifford tha se politikëbërësit duhet të jenë të përgatitur për kërcënimet që variojnë nga sulmet kibernetike deri te krijimi i armëve kimike dhe biologjike.
Clifford, i cili po ndihmon kryeministrin britanik në stafin e agjencisë qeveritare të AI, tha:
“Nëse përpiqemi të krijojmë inteligjencë artificiale që është më e zgjuar se njerëzit dhe nuk dimë ta kontrollojmë atë, atëherë kjo do të krijojë një mundësi për të gjitha llojet e rreziqeve tani dhe në të ardhmen. Kjo është arsyeja pse kjo duhet të jetë shumë e lartë në agjendën e politikëbërësve’.
Ai vuri në dukje se nëse gjejmë mënyra për ta kontrolluar atë, Inteligjenca Artificiale ka potencialin për të ofruar përfitime të paçmueshme për njerëzit.
“Nëse evoluon në drejtimin e duhur dhe ne e shfrytëzojmë siç duhet, ju mund të imagjinoni që AI shëron sëmundjen, duke e bërë ekonominë më produktive, duke na ndihmuar të arrijmë në një ekonomi neutrale ndaj karbonit,” shpjegoi ai .
Vihet re se javën e kaluar, një deklaratë e përbashkët e nënshkruar nga 350 ekspertë të inteligjencës artificiale, përfshirë CEO i OpenAI, i cili zhvilloi ChatGPT, paralajmëroi se rreziku i AI që çon në “zhdukjen e njerëzimit” është i dukshëm.
