Nga poezia dhe ekonomia në politikë – Emira Bilalli-Dërmaku synon një ulëse në Kuvendin Komunal të Gjilanit
Emire Bilalli-Dërmaku, një emër që mishëron përkushtimin ndaj dijes, artit dhe shoqërisë, tani synon të sjellë këtë përvojë dhe energji në shërbim të qytetarëve të Gjilanit si kandidate për Kuvendin Komunal të Gjilanit nga radhët e Aleancës për Ardhmërinë e Kosovës.
Emira ka ndërtuar një karrierë mbresëlënëse që përfshin tri fusha të rëndësishme: ekonomi, teknologji dhe letërsi.
Me tri diploma universitare dhe dy libra të botuar, ajo është shembulli i gruas moderne, që nuk njeh kufij në dije dhe pasion.
Aktualisht eksperte konsulente në Ministrinë e Arsimit, njëkohësisht asistente universitare, Emira ka qenë gjithmonë zë i mendimit të pavarur, krijues dhe të arsyetuar– tipare që dëshiron t’i sjellë në Kuvendin Komunal të Gjilanit.
Me një bagazh të pasur akademik, profesional dhe kulturor, kandidatura e saj vjen si thirrje për përfaqësim të denjë, për një Gjilan më të arsimuar, më inovativ dhe më njerëzor.
