Nga një qytetar i ndershëm dorëzohet portofoli i gjetur në stacionin Policor në Viti
Gjilan 06 korrik 2023 – Sot me datën 06 korrik 2023, rreth orës12:25h ka ardhur në Stacionin Policor – Viti, një qytetar me inicialet D. S. dhe ka deklaruar se ka gjetur një Portofol me ngjyrë të zezë, në të cilin nuk kishte asnjë dokument identifikues, por në kishte një shumë të parave në vlerë prej njëmijë e nëntëqind e dyzet euro dhe gjashtëdhjetë e pesë cent (1940.65) Euro, si dhe njëqindë (100) franga Zvicerane.
Policia nëpërmjet rrugëve operative ka arritur ta identifikoj personin, (një mërgimtar), që i kishte humbur Portofolin, dhe të njëjtit, në bazë të procedurave ligjore i është kthyer, ku me rastin e kthimit i pranishëm ishte edhe qytetarit që e ka gjetur atë.
Pronari i Portofolit falënderon Policinë e Kosovës edhe palën që i ka kthyer Portofolin.
Duke çmuar këtë gjest human, të devotshëm dhe të ndershëm falënderojmë të gjithë qytetarët për bashkëpunimin dhe besimin e vazhdueshëm me Policinë e Kosovës
