Në Emergjencën e Gjilanit, mjekët kthejnë në jetë pacientin nga vdekja klinike
Besim Guda, kardiolog në Spitalin e Përgjithshëm në Gjilan, ka njoftuar se ekipi kujdestar i Emergjencës së këtij spitali sot ia ka shpëtuar jetën një 56-vjeçari që kishte pësuar vdekje klinike.
Guda, përmes një postimi në Facebook, ka thënë se ekipi kujdestar i Emergjencës sot është ballafaquar me një rast mjekësor shumë të rëndë.
“Një burrë i moshës 56 vjeçare nga Komuna e Vitisë ka pësuar infarkt, e më pas ç’rregullime të ritmit të cilat i shkaktojnë vdekje klinike! Në kemi reaguar duke e rianimuar dhe kthyer në jetë, e më pas e kemi dërguar në QKUK në Prishtinë për koronarografi. Pacientit i është bërë koronarografia dhe i është vendosur një stentë në një regjion shumë të rrezikshëm! Ai tani është në gjendje stabile”, ka thënë Dr. Besim Guda për TV Gjilani, duke saktësuar se ngjarja ka ndodhur rreth orës 11.30 minuta të ditës së diel.
“Misioni ynë sot e përmbush. Ka shpresa për këtë popull”, shkruan ai ne faqen e tij… .
