Ndahet nga jeta e varroset me nderime veprimtari e patrioti Hysni Agushi

Gjilan – Hysni Agushi pjesë e NDSH dhe një personalitet me kontribute të veçanta atdhedashurie është ndarë nga kjo botë këtë të mërkure, ndërsa varrimi i tij është bërë ditën e premte në Varrezat e Qytetit në Gjilan.

Hysni Agushi – Plisbardhi dhe njeriu që tërë jetën ia kushtoi çështjes kombëtare, veprimtar e patriot me zemër, ndërroi jetë këtë të mërkure. Ai, qysh si i ri ishte kyçur në NDSH, duke lënë pas vetes një biografi të pasur. Ishte një njeri i kalitur dhe i sprovuar për ta dashur e ndihmuar çështjen kombëtare.

Plisi i tij i bardhë dhe dashuria për shtetin shqiptar, si dhe avancimi i çështjes së Kosovës, ishin preokupimet kryesore të këtij burri të madh e të ndritur, shkruajnë mediat.