Moti javor, kulminacioni i nxehtësisë dhe fronti i fuqishëm i ftohtë ajror!
Dy karakteristika kryesore do të përmendën më së shumti gjatë kësaj jave sa i përket gjendjes sinoptike në rajonin tonë.
E para ështê kulminacioni i nxehtësisë që vjen nesër/sot, (të martën), dhe e dyta, fronti i fuqishëm i ftohtë ajror që vjen të mërkurën pasdite ose në mbrëmje.
E marta do të jetë dita më e nxehtë deri më tani në Kosovë (sivjet – deri më tani) dhe shumë pjesë të rajonit.
Kreshta termike nga jugperëndimi ose Mesdheu që solli ajrin afrikan dhe fronti i ftohtë (ajri atlantik) nga veriperëndimi i cili bartë ajrin shumë të nxehtë drejt territoreve tona (masat para-frontale). Për këtë arsye e marta do të jetë një ditë shumë e nxehtê ku temperatura në Kosovë mund të arrijë deri në 40°C, ndërsa ndonjë gradë më shumë në Shqipëri dhe Maqedoninë Veriore.
E mërkura do të jetë ,”fushëbetejë” mes ajrit afrikan dhe depërtimit të frontit nga veriperëndimi (ajrit atlantik). Si pasojë do të ketë erëra të fuqishme, të nxehta nga jugperëndimi. Me depërtimin e frontit do të fillojnë të fryjnë erëra të fuqishme nga veriperëndimi dhe veriu. Këto të fundit do ta ‘dëbojnë’ vapën e madhe verore nga Kosova ku kalimthi priten edhe stuhi të izoluara me vetëtima dhe bubullimë (mbrëmjen e së mërkurës ose mëngjesin e hershëm të së enjtes).
Edhe në Shqipëri dhe Maqedoninë Veriore do ketë ulje të temperaturave dhe reshje lokale kryesisht të pakta diten e enjte.
E enjta do të jetë ditë e freskët dhe e këndshme në Kosovë pas shumë ditëve me vapë të fortë verore. Njëkohësisht do të fillojë stabilizimi i motit pas frontit të ftohtë ajror.
Nga e premta përmirësim i motit në tërë territoret tona dhe rritje e temperaturave, por nuk pritet vapë e fortë verore të paktën njëherë për njëhere.
Burimi i lajmit: /METEOBALLKAN
