Mobilizohet FC Drita, i bënë jehonë ndeshjes me Viktoria Plzen: “Të gjitha rrugët qojnë në Prishtinë”
Skuadra e Dritës të enjten zhvillon përballjen mbase më të rëndësishme në historinë e saj, ç’prej se ekziston, shkruan Tv Gjilani!
Kjo pasi e ka ndeshjen kruciale, e cila konsiderohet ndeshje “për jetë o vdekje”, deri në frymën e fundit të atomit të energjisë, marrë parasysh epilogun e takimit të parë në Plzen, ku skuadra e strategut Vavalis mori një rezultat befasisht pozitiv (0:0), pa gola.
Rezultati i ndeshjes së parë ka ngjallur shpresat te skuadra gjilanase se mund t’i shkaktoj befasi të radhës skuadrës së favorizuar skajshmërisht, Viktoria Plzen, përkundër faktit që të gjitha adutet janë në dorën e saj, përveç motivit të “shfrenuar” të FC Drites për të mëtuar “prekjen nga afër” të fazës së grupeve.
Se cili do të jetë fati i këtij takimi dhe skuadrës së Drites, e me këtë edhe futbollit të Kosovës, prestigjit dhe reputacioni të saj në ngritje e sipër, mbetet të shihet në stadiumin “Fadil Vokrri” në Prishtinë, ku zhvillohet ndesha e kthimit parakualifikuese për fazën e grupeve në Konferencë League – Drita vs Viktoria Plzen, për ç’gjë, siç konfirmohet nga vet taborri i skuadrës Gjilanase, mbretëron interesim i jashtëzakonshëm nga ana e publikut./Tv Gjilani/
