Ministri Sveçla: Kryetarët e komunave veriore janë vendosur në zyret e tyre, do të vazhdojnë mandatinnë shërbim të qytetarëve pa dallime
Ministri i Ministrisë së Punëve të Brendshme, Xhelal Sveçla, ka shkruajtur në profilin e tij në rrjete sociale se kryetarët e tri komunave në veri, pas ceremonisë së betimit, sot janë vendosur në zyret e tyre nëpër objekte komunale, konform mandatit të tyre, në shërbim të të gjithë qytetarëve.
Ata janë ndihmuar nga policia e Kosovës, të cilët kanë dëshmmuar profesionalizëm në ballafaqim me grupet kriminale, ka shkruar veç tjerash Sveçla.
“Përgëzoj Policinë e Kosovës për profesionalizmin e treguar në ballafaqimin me grupe të organizuara kriminale, që kishin për qëllim pengimin e këtij procesi. 5 pjesëtarë të policisë janë lënduar nga sulmet e këtyre grupeve por që fatmirësisht lëndimet janë të lehta, ata ndihen mirë dhe janë në detyrë.”
Postimi
Pas ceremonive të djeshme të betimit të Kryetarëve të komunave veriore, kryetarët e komunave Zveçan, Zubin Potok dhe Leposaviq sot janë vendosur në zyret e tyre në objektet komunale. Ata do të vazhdojnë mandatin e tyre duke qenë në shërbim të të gjithë qytetarëve pa dallim.
Përgëzoj Policinë e Kosovës për profesionalizmin e treguar në ballafaqimin me grupe të organizuara kriminale, që kishin për qëllim pengimin e këtij procesi. 5 pjesëtarë të policisë janë lënduar nga sulmet e këtyre grupeve por që fatmirësisht lëndimet janë të lehta, ata ndihen mirë dhe janë në detyrë.
Ftoj të gjithë qytetarët tanë që të mos bien pre e manipulimeve të grupeve kriminale të cilët për hir të përfitimeve kriminale personale e grupore dëshirojnë kaos dhe suspendim të shtetit të së drejtës e të demokracisë.
Institucionet demokratike të Republikës së Kosovës do të jenë gjithnjë në shërbim të qytetarëve të vendit pa dallim dhe të pakompromis me sulmuesit e demokracisë, ligjit dhe qytetarisë.
