Mëso të investosh në vete gjëra që e përmirësojnë atë, që të afrojnë ty më shumë me versionin ideal të vetvetes.

Ngado reklamohet stili i shëndetshëm i jetës. Dhe ngado reklamohen produkte dhe aktivitete që vetëm të shëndetshme nuk janë. Dhe një sfidë e madhe, krijohet. Zakonet e tua të vjetra mund të mos jenë të shëndetshme, por ti je mësuar me to. Ose sapo ke zbuluar një restorant me gatime meksikane dhe nuk rri dot pa i provuar çdo ditë, ose çdo javë. Përballë këtyre janë zakonet e shëndetshme, të cilat në momentin e parë nuk të falin asnjë kënaqësi  dhe ti duhet të kesh shumë vullnet të fortë që të bësh ato zgjedhje që janë investim dhe rezultati u shihet në të ardhmen. Është si të kursesh para për pushime, kur një fustan valëvitet para syve të tu në vitrinë.

Epo, ta dish stili i shëndetshëm i jetës është edhe më i mirë sesa një palë pushime që mbarojnë. Është një formë e mirë trupore, por mbi të gjitha mendore dhe në humor që e ndjen çdo ditë.

Ne investojmë çdo ditë në vetvete. Ne investojmë nëpërmjet ushqimit, veshjes, mendimeve, bisedave që bëjmë, njerëzve me të cilët rrijmë, informacioneve që marrim…Çështja qëndron nëse këto investime na çojnë përpara apo pas.

Ka disa mënyra për të jetuar shëndetshëm. Nga ato, janë zgjedhur 12 për ju:

Ha më shumë ushqime të papërpunuara

Sa më shumë ushqime të gjalla aq më mirë. Pjesa më e madhe e dietës duhet të jetë me proteina pa yndyrë  dhe shumë perime. Nëse ndjek rregullin 80:20, pra ha 80 për qind ushqime të papërpunuara dhe 20 të përpunuara, do kesh rezultate pozitive.

Ec sa herë ke mundësi

Aktiviteti ndihmon fleksibilitetin, mobilitetin dhe shëndetin e përgjithshëm.

Pi më rrallë

Nëse e kufizon pirjen e pijeve alkoolike, mëlçia dhe trupi do e ndiejnë përmirësimin, edhe kuleta!

Merre drekën me vete në punë

Çfarë do që të jetë do jetë më mirë, sesa ato që je e detyruar të porosisësh.

Bëj pushime

Rregullisht, planifiko shkëputje,  edhe një fundjavë e shkurtër. Merri ditët që të kanë lënë tolerancë në punë nëse je sëmurë, edhe po të jesh mirë. Ke nevojë të çlodhesh.

Do punosh gjithë jetën. Bëj pak pushim herë pas here.

Mos i rri afër negativitetit

Nëse ke njerëz në jetën tënde që janë të mbushur me negativitet, largoji nga jeta jote, që dje!

Jepu fund marrëdhënieve toksike

Menjëherë.

Merr pak kohë larg teknologjisë

Hiqe pak telefonin dhe largohu nga kompjuteri. Edhe vetëm pak orë në ditë, do të ndihmojnë të pastrosh trurin.

Bëj aktivitet fizik

Nuk është e thënë të mbushesh me muskuj, por bëj diçka. Ngjitu në mal, shko në plazh, ngit biçikletën. Aktiviteti fizik, shkarkon si stresin trupor dhe mendor. 

Lexo më shumë

Ti mund të mos jesh tipi që lexon libra, por nuk është vonë të fillosh. Zgjidh një fushë që të intereson dhe do të mësosh më shumë. Çdo lloj leximi do të stimulojë trurin dhe do të rrisë kapacitetin intelektual.

Fillo një hobi të ri

Ke tre vjet që flet për të nisur nje hobi te ri. Po të kesh interesa të tjerë jashtë familjes dhe punës do të bëjë më aktiv. Zbulo një mjeshtëri të re. Do të bëjë të dukesh edhe më interesant sesa ata që të rrethojnë.

Mos u shqetëso për atë që mendojnë njerëzit

Ata që kanë qejf të kritikojnë, do kritikojnë gjithmonë.

Disa ndryshime të lehta, nuk janë të vështira. Hap pas hapi dhe bota jote do ndryshojë për mirë.