![Me 1 korrik dalin rezultatet e maturantëve, rreth 19 mijë iu nënshtruan testimit](https://tvgjilani.com/wp-content/uploads/2024/06/auto_foto-2-testimi1432297594.jpg)
Me 1 korrik dalin rezultatet e maturantëve, rreth 19 mijë iu nënshtruan testimit
Komisioni Shtetëror i Maturës njofton se ka përfunduar Provimi i Maturës 2024, të cilit iu nënshtruan rreth 19 mijë maturantë në 151 qendra të testimit me gjithsej 1500 klasa.
![](https://tvgjilani.com/wp-content/uploads/2024/04/vali-ranch-2.jpg)
Këtë vit kanë qenë të angazhuar 180 kryetarë të komisioneve të caktuar nga MASHTI, 1500 administrues dhe 1500 mbikëqyrës nga Parlamenti i studentëve të UP-së.
Komisioni Shtetëror i Maturës falënderon të gjithë akterët e përfshirë në procesin e testimit për kontributin e tyre në mbarëvajtje të procesit.
Sipas raporteve të administratorëve, në disa qendra ka pasur largim të nxënësve nga provimi për shkak të përdorimit të telefonave.
Sa i përket të dhënave të tjera rreth administrimit, Komisioni Shtetëror i Maturës do të raportojë pas përpunimit të të gjitha raporteve nga të gjitha Qendrat e Testimit në nivel vendi.
Rezultatet e provimit të maturës do të publikohen më 1 korrik 2024, njofton MASHTI.
![](https://tvgjilani.com/wp-content/uploads/2023/11/libertas2.jpg)