Mbyllet festivali “Summer Cult XI”, aktori gjilanas Blend Arifi ”rrëmben” cmimin “Aktori më i mirë” – rol dytësor
Festivali “Summer Cult XI” është përmbyllur në mbrëmjen e së mërkurës në Prishtinë, me ceremoninë e ndarjes së çmimeve.
Juria kredibile në përbërje profesionale: Besar Zaiti, Suela Konjari dhe Ylber Nuredini, me unanimitet ka shpallur shfaqjen më të mirë të festivalit “Pacienti i Dr. Frojdit”, prodhim i Teatrit të Tetovës.
Juria vlerësuese poashtu ka shpallur edhe më të mirët në kategori tjera, përfshirë cmimin për aktorin më të mirë në rol kryesor – Adrian Aziri; cmimin “regjia më e mirë’ – Erletë Rexhepi (shfaqja: “ Katër Trëndafilat”), si dhe aktorja më e mirë në rol kryesor – Fitore Jashari.
Juria vlerësuese poashtu ka shpallur edhe më të mirët në kategori tjera, përfshirë cmimin për aktorin më të mirë në rol dytësor – Blendi Arifi, si dhe aktorja më e mirë në rol dytësor – Linda Shabani. Ndërsa Çmimi Special iu nda shfaqjes nga Shqipëria, “Impromptu”.
Pra, numrit të artistëve të shquar gjilanas, të cilët po shënojnë rezultate të jashtëzakonshme gjithandej hapësirës kulturore shqiptare e më gjërë, i janë shtuar edhe emra të shquar të rinj, artistë tashmë të dëshmuar që gradualisht po marrin “mbi supe” “barrën” e rëndë artistike, si në arte muzikore e pamore, ashtu edhe në ato skenike.
E Blend Arifi padyshim që është njëri nga ta, nje emër i shquar që teksa ka flluar rrugëtimin e jashtëzakonshëm artistik, madje në dy ‘fronte’ – aktrim e regji!
Blendi është njëri nga artistët e rinj që cdo ditë po dëshmohet me të arrituarat e tij, për c’gjë po vlerësohet lart në mjedise artistike, sic ishte edhe rasti i fundit, duke u nominuar, njëherit duke fituar cmimin kryesor për artistin më të mirë në rol dytësorë! – Pra, një cmim që shpërfaqë talentin e vërtetë, pasi talenti i artistit është shumë vështirë të vëhet në spikamë në rol dytësor, krahasuar me rolin kryesor! E Blendi, me kreativitetin e tij, ka bërë jurinë vlerësuese edhe një herë që ta vë re dhe në spikamë, duke e vlerësuar me atë cmim.
Kujtojmë që festivali “Summer Cult” , nga ky vit ka dhënë disa çmime për shfaqjet dhe artistët më të dalluar, ndërsa i është dedikuar regjisorëve të rinj dhe kontributit që ata po japin në skenën teatrale.
Në këtë festival kanë defiluar gjashtë shfaqje nga hapësira mbarëshqiptare: Shqipëria, Maqedonia e Veriut dhe Kosova, të cilat janë mirëpritur nga publiku në skenën e Teatrit “Dodona” me 16, 17 dhe 18 shtator.
Në natën e fundit, është dhënë shfaqja nga Teatri i Gjilanit, “Një dorëzim në Spokan” .
Regjia: Blendi Arifi , Aktorë: Alban Shahiqi, Florent Salihu, Djellza Dema, Blendi Arifi.
Drejtoresha e Cult Club dhe e Festivalit, regjisorja, Prof. Eli Nura, ka thënë se ky ishte edicioni më i suksesshëm i “Summer Cult”.
Sipas saj, vitin e ardhshëm, do të ketë risi të tjera që do ta pasurojnë edhe më tej këtë ngjarje tradicionale. Festivali “Summer Cult”, është pjesë e programit vjetor të organizatës kulturore “Cult-Club”, që mbështetet nga MKRS dhe komuna e Prishtinës.
