Mbyllet festivali me filmat europian në Gjilan, gjatë tri mbrëmjeve u shfaqën shtatë filma nga vende të ndryshme
Në Teatrin e Qytetit të Gjilanit, për tri ditë me radhë u shfaqën filma nga produksione të ndryshme të vendeve europiane.
Kjo ngjarje, fillimisht u theksua se do të jetë festive dhe e paharrueshme, me prezantime të filmave që do të shpërfaqin kultura të ndryshme të vendeve europiane, megjithatë numri i pjesëmarrësve në audiencë ishte mjaft i vogël – mbase fare i vogël!
“Nga dramat, te filmat që sfidojnë dhe frymëzojnë, EFF solli zemrën e Evropës në ekranin e madh të Teatrit të qytetit në Gjilan. Publiku qeshi, reflektoi dhe u lidh përmes filmave nga Italia, Kroacia, Greqia, Austria, Sllovenia, Holanda dhe më gjerë”, thuhet në njoftimin zyrtar nga “Shtëpia e Europës në Kosovë”, shkroi në mbyllje të festivalit “Europe Houes Kosovo”.
Po aty u saktësua e pasqyruar kronoloigjia e rrjedhës tre-ditore të filmave të prezantuar.
Në natën e tretë, e cila ishte e fundit e festivalit, fillimisht u mbajtë ceremonia zyrtare e prezantimeve të bartësve të projektit, me fjalime nga Ronald Goldberg, zëvendës shef i misionit të Ambasadës së Mbretërisë së Holandës në Kosovë, Klarisa Kastek, zëvendës ambasadore e Ambasadës së Austrisë në Kosovë dhe Milena Radenkoviq, këshilltare e Ministrisë së Ambasadës së Sllovenisë në Kosovë.
Ndërsa në përmbyllje të këtij festivali, audienca përcolli nga afër shfaqjet e filmave të prezantuar, të Mitra (Holandë), pastaj filmin “Sirenat nuk qajnë” (Austri) dhe “Burri pa faj” (Slloveni), të cilët shënuarn njëherit fundin e këtij rrugëtimi kulturor.
E numri i paktë në sallë i aderuesve të shumtë të konstatuar gjilanas të filmit dhe artit skenik në tërësi, u vlerësua të ketë qenë mbase i ndërlidhur kryekëputë me aktivitetet sportive (“Champions League” dhe “Europa League”), e që kanë korrespoduan të zhvillohen, (ndeshjet gjysmëfinale), për tri ditë me radhë, 06, 07 dhe 08 maj 2025, aq sa ka zgjatur festivali i filmit.
