![Mblidhen deputetët, edhe sot seancë e Kuvendit të Kosovës](https://tvgjilani.com/wp-content/uploads/2024/04/kuvendi-i-kosoves-1-2048x1360-1-850x560.jpg)
Mblidhen deputetët, edhe sot seancë e Kuvendit të Kosovës
Sot kuvendi i Kosovës do të mbaj seanca plenare, ku ka vetëm një pikë të rendi të ditës.
![](https://tvgjilani.com/wp-content/uploads/2024/04/vali-ranch-2.jpg)
Seanca është thirrur për të bërë pyetjet parlamentare, që deputetët u bëjnë kabinetit qeveritar.
Seancë parlamentare ka pasur edhe gjatë ditës së djeshme, e cila u mbyll për shkak të mungesës së kuorumit.
Në rendin e ditës së kësaj seance ishin gjithsej 39 pika, ndërsa për shkak të mungesës së deputetëve dhe kabinetit qeveritar, më shumë se 10 pika mbetën pa u diskutuar.
Pjesë e këtyre pikave ishin edhe disa marrëveshje ndërkombëtare, të cilat për shkak të kuorumit dështuan të miratohen.
Kryetari i Kuvendit, Glauk Konjufca mbylli punimet e seancës plenare, derisa tha se deputetët do t’i njoftoj në kohë nëse do të vazhdojnë edhe javën e ardhshme me ndonjë seancë.
Megjithatë, në seancën e djeshme Kuvendi i Kosovës ka themeluar Komisionin hetimor parlamentar për procesin e subvencionimit të blerjes së teksteve shkollore dhe mjeteve mësimore për vitin shkollor 2023/2024. Themelimi i këtij komisioni është propozuar nga Partia Demokratike e Kosovës.
![](https://tvgjilani.com/wp-content/uploads/2023/11/libertas2.jpg)