Mbi 500 qytetarë serbë të veriut pajisen me pasaportë të Kosovës
Liberalizimi i vizave për Kosovën nga 1 janari, ka shtuar interesimin e qytetarëve serbë të komunat veriore për tu pajisur me pasaportë të Republikës së Kosovës. Vetëm në tre muajt e fundit, në katër komunat veriore të Kosovës, janë shpërndarë 531 pasaporta.
“Do ta marrë pasaportën e Kosovës dhe do të udhëtoj nëpër Evropë”.
“Po do ta marrë pasaportën e Kosovës gjatë këtyre ditëve”.
“Mua nuk më duhet më si shkak i moshës por të gjithë të rinjët duhet të paisen me pasaportë Kosovare”.
Përkundër interesimit në rritje për pasaportën e Kosovës, në mesin e qytetarëve serbë ka edhe të atillë që nuk duan të pajisen me të.
“Jo une e kam pasaportën e Serbisë. Nuk më duhet të udhëtoj pasi kam arritur në 63 vjet dhe nuk do ta ndërroj atë”.
Zëvendësdrejtori i Policisë së Kosovës për rajonin e Mitrovicës së Veriut, Veton Elshani, vlerësoi se situata e sigurisë në këtë pjesë të vendit po shkon drejtë normalizimit.
Sipas të dhënave të Ministrisë së Punëve të Brendshme në periudhën e njëjtë të vitit të kaluar me pasaportën e Kosovës ishin pajisur vetëm 163 qytetarë serbë të veriut./RTV21
