![Mbahet konsultimi publik për Draft-Planin Lokal të Transportit për Komunën e Kamenicës 2024-2028](https://tvgjilani.com/wp-content/uploads/2024/05/438170487_846429944186006_6254922137744988293_n-850x560.jpg)
Mbahet konsultimi publik për Draft-Planin Lokal të Transportit për Komunën e Kamenicës 2024-2028
Grupi për hartimin e Draft-Planin Lokal të Transportit për Komunën e Kamenicës 2024-2028 ka mbajtur konsultimin publik për këtë dokument.
![](https://tvgjilani.com/wp-content/uploads/2024/04/vali-ranch-2.jpg)
Të pranishëm në këtë konsultim ishin drejtori i Shërbimëve Publike, Ambientit dhe Inspektoratit, Zotrim Kastrati, drejtoresha e Prones, Kadastrit dhe Gjeodezisë, Diana Kryeziu-Ajvazi, e zyrtarë të tjerë komunal.
![](https://tvgjilani.com/wp-content/uploads/2024/05/438145992_846429930852674_1426090521597453437_n-1.jpg)
Në takim kryesuesi i grupit punues, Hysen Jerliu ka prezantuar draft-planin duke thënë se është një plan strategjik zhvillimor nga fusha e komunikacionit për komunën e Kamenicës.
“Me këtë plan, tentohet fillimi i planifikimit të transportit rrugor të qëndrueshëm dhe të sigurt për të gjithë pjesëmarrësit në komunikacion. Nga aspekti i komunikacionit, ky plan do të shërbejë si bazë e mirë për përpilimin e planeve dhe projekteve në komunën e Kamenicës, të cilat ndërlidhen me fushën e komunikacionit”, tha ai.
“Realizimi i Planit Lokal të Transportit Rrugor për Komunën e Kamenicës ka për qëllim uljen e shkallës së motorizimit, duke promovuar forma të tjera të lëvizjes, si zhvillimin e çiklizmit dhe krijimin e hapësirave për ecje në këmbë, përkatësisht krijimin e kushteve infrastrukturore me qëllim të akomodimit të gjithë pjesëmarrësve në komunikacion”, shtoi ai.
Duke prezantuar këtë dokument, Jerliu theksoi poashtu se hartimi i planit lokal të transportit rrugor mundëson krijimin e një sistemi të qëndrueshëm të sistemit të transportit dhe lëvizjeve të tjera, (lëvizjeve të motorizuara dhe të pa motorizuara), me qëllim që të krijojnë:
• sigurimin e qasjes sa më të lehtë për lëvizjet ditore dhe shërbime të tjera
• përmirësimin e shkallës së sigurisë
• zvogëlimin e ndotjes së ambientit
• rritjen e efikasitetit dhe ekonomicitetit gjatë transportit të njerëzve dhe të mallrave
• rritjen e atraktivitetit dhe kualitetin e mjedisit urban.
Pasi kryesuesi Hysen Jerliu ka prezantuar Draft-Planin në tërësi, është hapur diskutimi për pyetje dhe komente nga të pranishmit.
![](https://tvgjilani.com/wp-content/uploads/2023/11/libertas2.jpg)