Mbahen sesionet informuese lidhur me skemen e granteve
Drejtoria për Zhvillim Ekonomik dhe Diasporë ka mbajtur një sesion informues për programin “Grante” në Kamenicë, në sallën e Kuvendit Komunal dhe në fshatin Roganë.
Gjatë këtyre sesioneve, ka marrë pjesë drejtoresha e Drejtorisë për Zhvillim Ekonomik dhe Diasporë, Burbuqe Leka, si dhe zyrtarë nga kjo drejtori.
Në këto takime, u prezantua udhëzuesi për aplikimin në skemen e granteve, i cili synon mbështetje për zhvillimin e bizneseve dhe përmirësimin e mundësive ekonomike.
Në sesionet informuese morën pjesë qytetarë, pronarë të bizneseve dhe përfaqësues të ndryshëm të komunitetit, të cilët patën mundësinë të informohen dhe të shprehin interesin e tyre për aplikim.
Komuna e Kamenicës vazhdon të mbështesë iniciativat që kontribuojnë në zhvillimin ekonomik dhe mirëqenien e qytetarëve.
