Lutfiu: “… Serbët në Bujanoc shfrytëzojnë festat fetare për ta shprehur urrejtjen, turp!”
Festa e Krishtlindjes ortodokse u shënua edhe në Komunën e Bujanocit nga serbët vendës, por edhe kjo festë nuk kaloi pa incidente, shkruan Tv Gjilani.
Sipas njoftimeve nga aty, disa të rijë serbë e kanë shfrytëzuar këtë festë për të shfaqur urretjen e tyre ndaj shqiptarëve, duke ngritur mbishkrime provokuese!
E lidhur me këtë rast ka reaguar kryetari i Këshillit Kombëtar Shqiptar me seli në Bujanoc, Nvzad Lutfiu. Duke pasyruar aktin provokues, Lutfiu përmes rrjeteve sociale ka vënë një paralele mes veprimit të disa ditëve të mëparshme të shqiptarëve që kremtuan dinjitetshëm Festën e Flamurit në sheshin e qytetit, e të cilët u dënuan nga polcia. Ndërsa, në të njejtin shesh, sipas tij, një grup i serbëve lokal festuan Krishtlindjet me mbishkrime provokuese ndaj shqiptarëve, por që nuk u dënuan, së paku deri më tani!
“Më 28 Nëntor me rastin e Ditës së Flamurit disa të rinjë shqiptarë dhuruan një spektakël në qëndër të qytetit, pa e provokuar askënd. Për atë spektakël u dënuan nga policia. Kurse në të njëjtën qendër, me rastin e festës fetare, të cilën serbet e festuan në vikendin që shkoi, disa serbë patën mbishkrime provokuese”, ka shkruar Lutfiu.
Kreu i KKSH-së më tej ka saktësuar se do të kërkoj sqarime nga Stacioni Policor në Bujanoc, për të mësuar nëse janë marrë masa ndaj atyre personave.
“Përmes një shkrese do t’i kërkoj informacione Stacionit Policor se a janë marrë masa ndaj atyre personave. Çfarë albanofobie e pashpjegueshme, që shfrytëzojnë edhe festat fetare për ta shprehur urrejtjen, turp! – Shfrytëzoj rastin, serbëve të cilët bashkëjetesën e shohin si vlerë t’ia uroj festën e Krishtlindjeve Ortodokse”, ka përfunduar ai në faqen e tij në rrjete sociale. /Tv Gjilani/
