LRFGJ: – Mbyllet edicioni 2023/2024 i garave të grupmoshave, FC Drita “rrëmben” vendet e para në të gjitha kategoritë
KF Drita ka shënuar rezultate impresive në garat e kategorive, Fatosë, Pionierë e Kadetë, të zhvilluara këtë fundjavë në stadiumin me barë sintetik në Gjilan.
Në fakt FC Drita ka shënuar fitore në tri takime, në tri kategori përkatëse, duke dëshmuar nivel të lartë përgatitor e garues.
Në kategorinë e fatosëve FC Drita fitoi trofeun e më të mirit pasi në finalen e madhe të Play-Off-it, ka mposhtur KF Arbëria.
Epiteti i golashënuesit më të mirë në këtë kategori i ka takuar Mesud Zymberit nga SHF Arbëria, i cili ka realizuar 31 gola në sezonin 23/24.
Medaljet për ekipin fitues dhe trofetë janë shpërndarë nga drejtori i Kombëtares së Kosovës, Muharrem Sahiti dhe anëtarët e Bordit të LRF Gjilan, Muamer Abdullahu, Halil Halili e Syart Rrahmani.
Imazhet më të mira nga ndeshja finale dhe ndarja e çmimeve mund t’i gjeni më poshtë
Shkolla e futbollit Drita fitoi vendin e parë edhe në Kategorinë e Pionierëve, duke shënuar fitore të merituar ndaj Shkollës së Futbollit Kosova nga Vitia.
Në këtë kategori epiteti i golëshunesit më të mirë i takoi me plotë meritë Harun Jusufit, i cili me 32 gola të shënuar në edicionin 2023/2024, ka dëshmuar cilësi të jashtëzakonshme prej golëshuesi të spikatur.
Medaljet në këtë kategori u ndanë nga anëtari i Komitetit Ekzekutiv në Federatën e Futbollit të Kosovës, Naser Ajeti.
Imazhet më të mira nga ndeshja finale dhe ndarja e çmimeve mund t’i gjeni mëposhtë
Shkolla e Futbollit Drita “rrëmbeu” trofeun duke fituar epitetin e klubit më të mirë edhe në kategorinë e kadetëve, duke shënuar fitore në finalen e madhe të së dielës ndaj KF Arbëria.
Në këtë kategori garuese epiteti i golëshënuesit më të mirë i takoi Elon Isufit nga KF Dardana, i cili gjatë rrjedhës së kampionatit ka shënuar 23 herë në portat e ekipeve kundërshtare!
Në këtë kategori medaljet i kanë ndarë: kryetari i LRFGJ-së, Armend Misini së bashku me drejtorin gjeneral të FC Drita, Feti Murseli.
Imazhet më të mira nga ndeshja finale dhe ndarja e çmimeve mund t’i gjeni më poshtë.
Turneu garues është vlerësuar lart nga ana e pjesëmarrësve dhe akterëve tjerë, të cilët në mënyrë të drejtpërdrejtë apo indirekte kanë qenë të përfshirë në rrjedhën e kontinuitetit garues, ndërsa ndeshjet e Play-Off-it, gjysmëfinale e finale, janë përcjellur me organizim adekuat, si për nga rrjedha ashtu edhe nga cilësia e demostruar nga ana e futbollistëve të grupmoshave.
Në ndeshjet finale kanë gjykuan me përgjegjësi të lart e autoritet, gjyqtarët: Ilaz Ajeti, Kadri Shahini, Fahredin Avdyli, Zgjim Rahimi dhe Faton Jakupi.
LRFGJ është përkujdesur që të mos i lejojë asgjë rastësisë: ajo ka caktuar edhe delegatët e ndeshjeve finale, Shefket Sermaxhaj e Arsim Sadiku, të cilët e kanë mbikqyrë rrjedhën e takimeve.
Kontribut të jashtëzakonshëm e të vecantë kanë dhënë edhe dy mjekët, Agim Kërqeli e Blendi Aliu, me përkushtim permanent gjatë rrjedhës së ndeshjeve finale. Kontributi i tyre është cmuar, vlerësuar, e të njejtit publikisht janë falënderuar nga LRFGJ.
