Lidhja Rajonale e Futbollit të Gjilanit (LRFGJ) organizon programin e edukimit kundër dopingut
Programi i edukimit kundër dopingut ka vazhduar edhe gjatë kësaj jave, duke ofruar informacione thelbësore për sportistët dhe stafin teknik lidhur me mbrojtjen e integritetit në sport.
Futbollistët e rinj të regjionit tonë u njohën nga afër me rregulloret anti-doping, procedurat e kontrollit si dhe rëndësinë e përgjegjësisë personale në karrierën sportive.
Ligjëratat u udhëhoqën nga Berand Tahirbegolli, në kuadër të aktiviteteve të organizuara nga Federata e Futbollit e Kosovës në partneritet me UEFA-n. Gjatë prezantimeve u theksua qartë se çdo shkelje e rregullave cenon jo vetëm rezultatin sportiv, por edhe reputacionin dhe shëndetin e sportistit.
Qëllimi i këtij takimeve është ndërtimi i një kulture sportive të bazuar në ndershmëri, disiplinë dhe respekt për rregullat e lojës, duke fuqizuar brezat e rinj me njohuri dhe vetëdije të hershme.
Përmes këtij bashkëpunimi po forcohen standardet e edukimit sportiv, duke dërguar mesazhin se suksesi afatgjatë arrihet vetëm përmes lojës së pastër.
