LDK e Lëvizja “Vatra” bashkë në Sllubicë
Arbër Ismajli: Bashkë me kryetarin e Lëvizjes Vatra, z. Kushtrim Kadriu, ishim në takim me banorët e Sllubicës, në një pjesë të jashtëzakonshme të Gjilanit.
Me zemërgjerësinë e tyre dhe vullnetin e plotë, banorët e këtij fshati na hapën dyert dhe ndanë shqetësimet, problemet, hallet e dertet të cilat nuk patën ku t’i adresojnë për 4 vite rresht.
Banorët e Sllubicës shprehën nevojën për përmirësimin dhe ndërhyrjen në infrastrukturë, mbështetjen e bujqësisë, përkujdesjen ndaj rinisë dhe një qasje më serioze të institucioneve lokale ndaj problemeve të përditshme që kanë këta njerëz.
Falënderojmë z. Jonuz Hasani dhe të gjithë banorëve të Sllubicës për mikpritjen e ngrohtë dhe angazhimin e tyre të patjetërsueshëm për ta ndryshuar mentalitetin qeverisës në Gjilan.
Diskutimet e tilla janë pasuri e veçantë e rrugëtimit tonë politik, prandaj, zotohemi që udhëheqja e politikave zhvillimore të komunës do të kthehet në duart e tyre nga data 12 tetor.
Bashkë me qytetarët në qeverisje, do ta nderojmë Sllubicën, e do t’i jetësojmë të gjitha kërkesat dhe shqetësimet e këtyre banorëve.
