Lajm i trishtë: Ka ndërruar jetë Imrije Avdullahu – Bajrami, nëna e dëshmorëve Enver dhe Shaban Bajrami
Të enjten e datës 07 gusht 2025 ka pushuar së rrahura zemra e zonjës Imrije Avdullahu – Bajrami, nënë e dy dëshmorëve: Shaban dhe Enver Bajrami nga Breznica e komunës së Bujanocit.
Zonja Imrije ishte një grua e denjë, një bashkëshorte e devotshme dhe një nënë e përkushtuar, që dhëmbjen e saj e shëndërroi në krenari sublime për të dhënë shembullin më të ndjerë, lartësuar e nderuar të heroinës shqiptare ndër mote e shekuj.
Lajmin për ikjen e saj në amshim e kanë publikuar familjarë të së ndjerës, djali Asllan Bajrami, si dhe faqja zyrtare: Breznica.
NJOFTIMI NGA FAMILJA BAJRAMI
Njoftim për Vdekje
Me pikëllim të thellë njoftojmë familjarët, miqtë dhe të njohurit se më ka ndërruar jetë nëna jonë e dashur, Imrije Avdullahu Bajrami. Varrimi i së ndjerës do të bëhet në qytetin e Gjilanit, me namazin e drekes.
NJOFTIMI NGA FAQJA “BREZNICA”
Njoftim mortor
Të Allahut jemi dhe tek Ai do të kthehemi!
Sot ka ndërruar jetë bashkëshortja e bacit Rasim, përndryshe, nëna e dy dëshmorëve të Breznicës, Enverit dhe Shabanit, zonja Imrije Avdullahu Bajrami.
Një nënë, një grua qendrestare e cila i dha Breznicës dhe kombit dy djemt e saj për liri e atdhe.
Mjaft e sprovuar por që asnjëherë e dorëzuar, tipike nënë shqiptare.
Lusim Zotin që ta ketë mëshiruar dhe të jetë në prani të djemëve të saj në xhennet.
Varrimi i së ndjerës do të bëhet në qytetin e Gjilanit,
pas namazit të drekës, rreth orës: 13:00
I shprehim ngushëllimet tona më të sinqerta familjes Bajrami dhe Avdullahu!
Allahu e mëshiroftë zonjën Imrije!
