KV Drita shpallet kampione në kategorinë U18 pas fitores bindëse në finale
Një sukses i madh për KV Drita në konkurrencën e meshkujve. Ekipi i juniorëve U18 ka arritur të shpallet kampion për herë të parë në historinë e klubit, pas një paraqitjeje dominuese në finale.
Në ndeshjen vendimtare, Drita triumfoi me rezultat të pastër 3:0 në sete ndaj Golden Eagle Theranda, duke dëshmuar cilësi të lartë, disiplinë dhe karakter gjatë gjithë takimit.
Ky sukses vlerësohet si rezultat i një pune të vazhdueshme dhe përkushtimi të madh në zhvillimin e gjeneratave të reja. Klubi nga Gjilani po konfirmon se investimi në talentët e rinj është rruga e duhur për ndërtimin e një baze të qëndrueshme sportive dhe të ardhme të sigurt.
Kontribut të rëndësishëm në këtë arritje ka dhënë edhe stafi i trajnerëve, të cilët kanë punuar në mënyrë profesionale për zhvillimin individual dhe kolektiv të lojtarëve, duke krijuar kushte për shfrytëzimin maksimal të potencialit të tyre.
Ky titull konsiderohet vetëm fillimi i një rruge premtuese për këtë gjeneratë dhe për vetë klubin, që synon të vazhdojë me suksese edhe në të ardhmen.
Urime ekipit për këtë arritje të merituar!
