Kurti për investimin në KEK: Do të rrisë kapacitetin e prodhimit për 30 MW
Kompania amerikane General Electric (GE) që 40 vjet më parë kishte dizajnuar teknologjinë e turbinave të termocentralit Kosova B, katër dekada pas kthehet për t’i modernizuar ato përmes një marrëveshjeje me vlerë 56.2 milionë euro që nënshkruan me Korporatën e Energjisë Elektrike (KEK).
Nga: Dorentina Kastrati – Kallxo.com
Kryeministri i Kosovës, Albin Kurti, ka thënë se ky investim do të rrisë kapacitetin e prodhimit për 30 MW dhe jetëgjatësinë e TC Kosova B, pa rritur emetimin e gazrave ndotës dhe nevojën për remonte të shpeshta.
“Më shumë prodhim, do të thotë më shumë pavarësi energjetike dhe më pak varësi ndaj importeve, më shumë siguri të furnizimit me rrymë dhe më pak shpenzime të buxhetit të shtetit. Dje kemi shënuar një nga ngjarjet më të rëndësishme në sektorin e energjisë” – ka shkruar Kurti në Facebook.
