Kryetari i Gjilanit, Alban Hyseni vizitoi FC Drita në Antalya
Gjatë qëndrimit në Antalya ku FC Drita ishte në fazën përgatitore, ishte për vizitë i pari i komunës, z. Alban Hyseni.
Kryetari Hyseni u prit nga gjithë pjesëtarët e klubit, me c’rast drejtori sportiv i FC Drita z. Valon Zymberi e falënderoi për vizitën dhe e njoftoi për ecurinë e përgatitjeve.
Z. Zymberi gjithashtu e falënderoi komunën dhe kryetarin z. Alban Hyseni për mbështetjen financiare për të kryer këtë fazë përgaditore për klubin, i cili është krenaria e gjithë qytetit, dhe e inkurajoi që mbështetje të formave të tilla të ketë për çdo vit.
Kryetari Hyseni i dëshiroi shumë suksese klubit dhe u zotua se nuk do të ndalet me kaq për t’i mbështetur duke theksuar se do të jetë afër secilit klub për të arritur suksese të cilat do t’i takojnë jo vetëm klubeve por gjithë qytetarëve të komunës sonë.
