Kryetari Hyseni: – Thirrje këshilltarëve komunal që ta votojnë lokacionin e ri të varrezave
Të hënën mbahet Seanca e Jashtëzakonshme e radhës e Kuvendit Komunal të Gjilanit.
Kreu i Komunës Alban Hyseni, ka apeluar te partitë politike të përfaqësuara në kuvend që ta votojnë propozimin e lokacionit të ri të varrezave, i cili vendim sipas tij, do të zgjidhte këtë problem për 100 vitet e ardhshme.
“Kemi marrur një njoftim nga Bashkësia Islame në Gjilan se tashmë jemi në një gjendje kritike sa i përket varrezave të reja. Pra, nuk kemi më hapësirë për varrosjen e atyre që ndërrojnë jetë. Ndërkohë ne si qeverisje kemi përgatitur tashmë kërkesën, kemi dërguar dokumentacionin e nevojshëm si dhe kemi identifikuar lokacionin idel, për varrezat e reja”, ka thënë Hyseni.
Kreu i Gjilanit është shprhur optimist se këshilltarët do të votjnë pro këtij vendimi.
“Nesër, pra ditën e hënë, presim nga të gjithë asambleistët e Kuvendit Komunal të komunës së Gjilanit, nga gjithë përfaqësuesit tuaj në Kuvendion komunal, që pa dallime partiake, pa inate politike e pa ndonjë ndërhyrje tjetër, të votojmë lokacionin e ri”, ka vijuar Hyseni.
“Pas grumbullimit të nënshkrimeve të nevojshme për thirrjen e një Seance të Jashtëzakonshme për votimin e lokacionit të ri të varrezave të qytetit, u bëj thirrje publike asamblistëve të të gjitha partive politike të KK-Gjilan, të mobilizohen e të votojnë lokacionin e ri, zgjidhje kjo për 100 vitet e ardhshme. Është koha të veprojmë në të mirë të komunitetit, pa dallime politike”, ka thënë në thirrjen e tij, adresuar këshilltarëve komunalë të të gjitha partive politike, kryetari i komunës së Gjilanit, Alban Hyseni.
