Kryetari Hyseni: Katër vjet qeverisje, shumë sfida, por edhe shumë suksese
Kryetari i Komunës së Gjilanit, Alban Hyseni, bashkë me nënkryetaren Leonora Morina Bunjakun dhe drejtorët, kanë diskutuar lidhur me punët e realizuara gjatë katër vjetëve të qeverisjes, shkruan faqja zyrtare e Komunës së Gjilanit, përcjelljen TV Gjilani.
“Në mbledhjen e fundit të bordit kemi rikapituluar punët dhe projektet e realizuara, të cilat kapin vlerën mbi 45 milionë euro projekte në zbatim. Katër vite qeverisje, shumë sfida, por edhe shumë suksese”, tha Alban Hyseni.
I pari i Gjilanit, tregon edhe për projektet: Rrjeti i ujësjellësit, projekti FLOWS në vlerë prej 15 milionë euro.
Stadiumi i Qytetit në vlerë 13 milionë euro.
Banimi i përballueshëm dhe social në vlerë prej 4.5 milionë euro.
Kryetari i Gjilanit, tregoi edhe për investimet në fushën e arsimit, ku 3.3 milionë euro janë për Shkollën e Mjekësisë dhe mbi 3 milionë euro në çerdhe të reja.
Sipas tij në fushën e bujqësisë janë mbi 2.8 milionë euro investime (2022–2024) dhe dhjetëra përfitues.
I pari i Gjilanit tregoi se për renovimi i Palestrës së Sportit janë 2.8 milionë euro.
Qëndrimi ditor për të moshuar, kuzhina humanitare dhe bujtina për studentë në vlerë prej 2.5 milionë euro.
Rruga “Hamdi Kurteshi” në vlerë 2.4 milionë euro.
Sipas kryetarit Alban Hyseni, në fushën e shëndetësisë dhe mirëqenies sociale janë mbi 2 milionë euro në ndërtime, pajisje dhe shërbime të reja.
Sipas të parit të Komunës së Gjilanit, krejt në fund të mandatit kanë nisur me projektin më kapital në historinë e komunës sonë, “Bulevardin e Qytetit”, me vlerë 18 milionë euro, që ndryshon tërësisht pamjen e qytetit.
“Këto investime madhore, bashkë me qasjen e re në qeverisje, kanë transformuar qytetin tonë. Jam krenar për çdo hap të bërë dhe për besimin e qytetarëve në këtë rrugëtim”, tha kryetari Alban Hyseni.
