Drejtoresha e Drejtorisë për Shëndetësi në Gjilan, Mimoza Kadriu, viziton Qendrën për Punë Sociale
Gjilan – Drejtoresha e Drejtoria për Shëndetësi dhe Mirëqenie Sociale në Gjilan, Mimoza Kadriu, ka zhvilluar një vizitë pune në Qendra për Punë Sociale, institucion që funksionon në kuadër të kësaj drejtorie.
Gjatë vizitës, ajo është pritur nga drejtori i Qendrës, Mursel Zymberi, dhe stafi i punëtorëve socialë. Takimi u realizua në kuadër të bashkëpunimit institucional dhe koordinimit të aktiviteteve ndërmjet strukturave përbërëse të drejtorisë.
Sipas njoftimit të publikuar nga drejtoresha, qëllimi i vizitës ishte shprehja e mirënjohjes dhe vlerësimit për angazhimin e vazhdueshëm të stafit në ofrimin e shërbimeve sociale për qytetarët, përkundër sfidave të shumta me të cilat përballen.
Në takim u theksua roli i Qendrës për Punë Sociale si institucion me karakter të theksuar human, ku trajtohen raste që kërkojnë profesionalizëm, ndjeshmëri dhe etikë të lartë. Kadriu nënvizoi se puna duhet të udhëhiqet mbi tri shtylla kryesore: profesionalizmi, transparenca dhe llogaridhënia, si dhe bashkëpunimi i brendshëm dhe ndërinstitucional.
Drejtoresha ka ofruar mbështetje për iniciativat që synojnë përmirësimin e kushteve të punës dhe cilësisë së shërbimeve, duke u zotuar se sfidat infrastrukturore dhe teknike do të adresohen me prioritet, në funksion të rritjes së efikasitetit dhe shërbimeve ndaj qytetarëve të Gjilanit.
