![KPM merr vendim, ndërpret sërish transmetimin e kanaleve serbe “Arena Sport”](https://tvgjilani.com/wp-content/uploads/2024/03/KPM-merr-vendim-nderpritet-serish-transmetimi-i-kanaleve-serbe-22Arena-Sport22-1-850x560.webp)
KPM merr vendim, ndërpret sërish transmetimin e kanaleve serbe “Arena Sport”
Komisioni i Pavarur për Media ka marr sot vendim që të ndërpresë sërish transmetimin në Kosovë të kanaleve serbe “Arena Sport”, deri në respektim të plotë të rregulloreve KPM-së.
![](https://tvgjilani.com/wp-content/uploads/2024/04/vali-ranch-2.jpg)
Kryetar i Bordit të KPM-së, Jeton Mehmeti, njoftoi se me pesë vota për, Komisioni i Pavarur për Media, vendosi që të ndërpritet transmetimit në Kosovë i kanaleve serbe të sportit, “Arena Sport”.
“Faktet na tregojnë që kemi pasur një eksploatim në tregun medial të Kosovës, me pa të drejtë nga ana e Arenas përmes Artmotion. Atëherë një konstatim nga kjo si konkluzion del se të obligohet operatori Artmotion që t’i ndërpresë kanalet e Arenas deri në respektim të plotë të rregulloreve KPM-së”, tha Mehmeti në mbledhjen e sotme.
Shtoi se Zyra Ekzekutive të filloj një hetim administrativ ex-oficio, në fakt një vërtetim administrativ ndaj të gjithë operatorëve që transmetojnë ligat e huaja në Kosovë.
“Standarde të njëjta pastaj të aplikohen edhe ndaj operatorëve tjerë nëse vërtetohet se transmetojnë ndeshje në territorin e Kosovës pa autorizim të Premier Ligës”, tha më tej Mehmeti.
![](https://tvgjilani.com/wp-content/uploads/2023/11/libertas2.jpg)