Kosova nikoqir e “Defender Europe `23”, FSK gati për çdo mision të NATO-s
Nga data 21 maj deri më 2 qershor, Kosova do të jetë nikoqire e ushtrimit ndërkombëtar në rajonin e Ballkanit, “Defender Europe `23”, e me këtë rast do të validohen edhe kapacitet e dy regjimenteve të Forcës së Sigurisë së Kosovës, e po ashtu do të tregohet shkalla e ndërveprimit ushtarak përkrah forcave të shteteve partnere. Kështu thuhet Ministria e Mbrojtjes.
Sipas kësaj të fundit, ceremoninë e hapjes së ushtrimit më të madh ndërkombëtar në rajonin e Ballkanit, “Defender Europe ’23” do të mbahet të dielën më 21 maj, duke filluar nga ora 11:30, në sheshin “Skënderbeu” në Prishtinë.
Në këtë ceremoni do të marrin pjesë presidentja Vjosa Osmani, kryeministri Albin Kurti, ministri i Mbrojtjes, Armend Mehaj, komandanti i FSK-së, gjenerallejtënant Bashkim Jashari, ministra të mbrojtjes së vendeve fqinje, si dhe personalitete të shquara nga aleatët strategjikë nga SHBA si dhe vendet tjera partnere.
Ndërkaq në njoftim thuhet se FSK është e gatshme për të kontribuar në çdo mision të NATO-s.
