“Kosova në NATO” bëhet trend në Twitter dhe rrjete sociale.!
Kërkesa e ministrit të mbrojtjes Armend Mehaj që Kosova të anëtarësohet në NATO dhe të krijohet një bazë amerikane ushtarake në Kosovë ka marrë përkrahje në rrjete sociale. Vetëm gjatë orës së fundit ajo është shkruar 2.221 herë në rrjetin social Twitter në KosovëEnter
Kosova ende nuk është anëtare e NATO-s. Të gjitha shtetet e rajonit, përvec Serbisë, janë anëtarë të Aleancës Veri-Atlantike.
Siguria në jetën tonë të përditshme është çelësi i mirëqenies sonë. Qëllimi i NATO-s është të garantojë lirinë dhe sigurinë e anëtarëve të saj nëpërmjet mjeteve politike dhe ushtarake.
ÇFARË ËSHTË NATO?
NATO-ja – POLITIKE promovon vlerat demokratike dhe u mundëson anëtarëve të konsultohen dhe të bashkëpunojnë në çështjet e mbrojtjes dhe të sigurisë që të zgjidhin problemet, të krijojnë besim dhe për një afat të gjatë të parandalojnë konfliktin.
NATO-ja – USHTARAKE është e angazhuar për zgjidhjen paqësore të mosmarrëveshjeve. Nëse përpjekjet diplomatike dështojnë, ajo ka fuqinë ushtarake për të ndërmarrë operacione për administrimin e krizave . Këto realizohen sipas klauzolës së mbrojtjes kolektive të traktatit themelor të NATO-s – Neni 5 i Traktatit të Uashingtonit ose – sipas mandatit të Kombeve të Bashkuara, vetëm ose në bashkëpunim me vende të tjera dhe organizata ndërkombëtare.
Çdo ditë, vendet anëtare konsultohen dhe marrin vendime për çështjet e sigurisë në të gjitha nivelet dhe në fusha të ndryshme.
Një “vendim i NATO-s” është shprehja e vullnetit kolektiv e të gjithë 30 vendeve anëtare meqenëse të gjitha vendimet merren me konsensus.
Qindra nëpunës, ashtu si dhe ekspertë civilë e ushtarakë, vijnë çdo ditë në Selinë qendrore të NATO-s për të shkëmbyer informacione, për të shkëmbyer ide dhe për të ndihmuar në përgatitjen e vendimeve kur është e nevojshme, në bashkëpunim me delegacionet kombëtare dhe personelin në Selinë qendrore të NATO-s.
